COMOEDIA TREBIANA.(1)

 

                                                                                                               Edición: Julio Alonso Asenjo.
                                                                                                                     Universitat de València

Exemplum adiunctorum per contentionem demonstratiuam ex nostra

Comœdia Trebiana, acta in Academia Valentina.1567.

      Vide quàm consideratus conuiciator existas, cùm ea obiicias, quæ cùm falsa sunt, tum in te iustiùs conuenire, quàm in eum cui obiicias, possunt. Quis est enim, qui si nostrum utrumque uiderit, non ex ipso statim corporis habitu, me uni sobrietati seruire, te uni solùm abdomini natum esse existimet? Cùm uentris illius tui magnitudinem et pinguedinem inauditam aspexerit; cùm palpebrarum nutantium grauitatem; cùm oculorum somnum, oris hiatum, faciei colorem, totius corporis motum adeò difficilem, ut uix gradum sine summo sudore, et uehementi respiratione conficias; cùm intemperantem illam helluationem tuam, et quotidianam illorum immanium poculorum absorbitionem acceperit? Quod specimen ingenii, quam uirtutis indolem, quod argumentum acuminis afferre possunt in monstruoso capite isto tuo frons angusta, parui oculi, et eminentes, uox Antroniæ pecudi conuenientior, quàm homini?(2)

 

^^^^^^^^^^^^ ______ *** ** * ** *** ______ ^^^^^^^^^^^^

 

© Julio Alonso Asenjo. Universitat de València.
       Febrero, 2003.

 

                                                                                                                        VOLVER